-- ADVERTISEMENT --
ROXAS CITY – Nagapabilin nga ginabulong sa Roxas Memorial Provincial Hospital ang isa ka 40 anyos nga lalaki matapos nag-angkon sang pilas sa kalawasan tuga sang aksidente sa Barangay Malag-it, Pontevedra, Capiz.
Ginkilala ang biktima nga si Elmer Benliro, driver sang motorsiklo sang Barangay San Pedro, Pilar, Capiz.
Base sa imbestigasyon, magapauli na kuntani sa banwa sang Pilar ang nasambit nga biktima gikan sa banwa sang Pontevedra sang nag-overtake ini sa duha ka motorsiklo sang nasumalang sini ang elf truck nga ginamaneho ni Jeffry Beltran, 29 anyos sang Barangay Cogon, Panitan, Capiz nga padulong man sa amo nga banwa gikan sa Panitan.
Bangud sa nagluntad nga aksidente, nag-angkon sang kasamaran sa lawas ang nasambit nga biktima.
