DUMALAG, CAPIZ – Pilason ang 40 anyos nga lalaki matapos ginlabu sang iya abyan kag kaupod sa ilimnan sa Barangay San Miguel, Dumalag, Capiz.
Ginkilala ang biktima kay Marlon Frio, residente sang Barangay Duran, sang nasambit man nga banwa.
Base sa inisyal nga impormasyon gikan sa Dumalag Municipal Police Station, nahibaluan nga magkaupod nga nagainom ang biktima kag ang suspek nga si Noel Fabuna, 56 anyos sang Barangay Sto. Angel, antes natabo ang insidente.
Bangud lunsay yara sa idalom sang impluwensiya sang makahulubog nga ilimnon ang duha, nagkasuay ang mga ini nga nagresulta pa sa komosyon.
Diri kag ginlabu sang suspek ang biktima gamit ang bolo nga nagresulta sa pag-angkon ni Frio sang pilas sa ulo kag iban pa nga parte sang lawas nga gilayon ginpadangat sa ospital agud madapatan sang nagakaigo nga pagbulong.
Samtang nakahunong naman sa karsel sang Dumalag PNP ang nasambitan nga suspek.
ATTACHED IMAGE FROM WEB
