40 anyos nga lalaki pilason sa pagbungguanay sang motorsiklo kag salakyan sa Roxas Avenue

ROXAS CITY – Pilason ang 40 anyos nga lalaki matapos nakabungguan sang iya ginamaneho nga motorsiklo ang isa ka salakyan sa Roxas Avenue, Roxas City.

Ginkilala ang napilasan kay Erwin Alba, residente sang Barangay Lonoy, sining siyudad.

Base sa inisyal nga impormasyon nga nakuha sang Bombo Radyo, samtang ginasubay ni Todd Lagaña, 30 anyos, sang Graceville Subdivision, Barangay Tiza, ang nasambit nga lugar sakay sa iya nga salakyan, hinali ini nga nabungguan sang motorsiklo nga ginamaneho ni Alba.

Bangud diri, nag-angkon sang mga kasamaran sa lawas si Alba nga gilayon gindapatan sang pagbulong sang mga katapo sang Capiz Emergency Response Team (CERT) antes ini gindala sa ospital.