ROXAS CITY – Nagalab-ot sa40 ka tawo nga gikan sa Isla sang Boracay ang wala ginpahanugutan nga makasulod sang mga pulis nga nagabantay sa Capiz-Aklan border security checkpoint.
Suno kay alyas Toto, nagatrabaho sa isa ka hotel sa Boracay nga magapauli ini sa ila balay sa Roxas City bangud temporaryo nga ginpasarado ang hotel matapos ginpaidalum sa community quarantine ang Aklan.
Wala ini sang ihibalo nga alas 8:00 kagab-i ang katapusan nga plaso nga ginhatag sa mga gusto makapauli sa Capiz antes ipatuman ang pagbawal na sa pagsulod sa lalawigan sa diin katuyuan sini nga indi na maglapta ang COVID-19.
Nahibaluan nga magluwas kay Toto madamo pa nga iban nga bakasyunista ang wala ginpahanugutan nga makasulod sa Capiz, bangud suno sa mga puliis nga ginasunod lamang nila ang Executive Order ni Governor Contreras.
