40 pilason, matapos iguon sang turbulence ang isa ka pampasahero nga eroplano sa Brazil

Pilason ang 40 ka indibidwal matapos iguon sang turbulence ang isa ka pampasahero nga eroplano sa Brazil.

Ang Air Europa nga isa ka Boeing 787-9 Dreamliner ang nagapadulong sa Uruguay kag may sakay nga kapin 325 ka mga pasahero.

Bangud sa natabo, nag-emergency landing ang eroplano sa airport sang Natal sa northeast Brazil.

Ginpadangat naman sa ospital ang 40 ka pasahero matapos mag-angkon sang patal nga pilas sa kalawasan.  

Pagkatapos sang pila oras, nagpadayon na ang flight padulong sa Brazil matapos ang ginhiwat nga inspeksyon sa amo nga eroplano.