-- ADVERTISEMENT --
ROXAS CITY – Arestado ang 41-anyos nga drug surrenderee sa ginpatigayon nga drug buybust operation sang mga katapo sang Station Drug Enforcement Team (SDET) sa Barangay Banica, Roxas City.
Ginkilala ang drug suspect kay Reynaldo Bermejo sang Barangay Banica apang temporaryo nga nagapuyo sa Barangay Cagay sining siyudad.
Narekober sa posisyon ni Bermejo ang lima tanan ka sachets sang ginapatihan shabu, P500 nga marked money kag isa ka unit sang cellphone.
Nagapangatubang naman ang suspek sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
