ROXAS CITY – Arestado ang 41-anyos nga lalaki matapos nadakpan sa akto nga nagapatigayon sang iligal nga pataya ukon “STL Bookies” sa Barangay Poblacion Tabuc, banwa sang Maayon.
Ginkilala ang arestado kay Jeffrey Bautista Esteban, residente sang Barangay Poblacion Ilaya sang nasambit nga banwa.
Nadakpan sa akto ang suspek nga nagabaton sang bayad sa ginapataya kag wala ini sang dokumento nga makapamatuod nga legal ang pagpataya sini.
Nakuha sa posesyon ni Esteban ang isa ka itom nga sling bag nga nagaunod sang bundle sang STL Cotejo, 1 ka bet slip nga may kombinasyon sang mga numero nga 39 kag 40, 7 ka stapler, 6 ka calculator, 1 ka gunting, 1 ka ballpen, kag P4,233 sa nagkalain-lain nga denominasyon.
Magapangatubang ang arestado sa paglapas sang PD 1602 sa idalum sang R.A 9287 ukon Anti-Illegal Gambling Board.
Sa karon yara na ini sa kustodiya sang CIDG Capiz PFU para sa nagakaigo nga disposisyon.
