Dakop ang isa ka 41-anyos nga lalaki matapos makuhaan sang armas-luthang kag ginapatihan shabu sa gin-implementar nga search warrant sa Sitio Kapul-an, Barangay Manayupit, Maayon, Capiz.
Ginkilala ang nasambit nga persona kay alyas “Tilog”, 41-anyos, kag residente sang nasambit nga lugar.
Mahibaluan nga narekober sa kay alyas “Tilog” ang 1 ka unit sang 12 gauge shotgun, 2 ka bala; 1 ka unit sang caliber .38 revolver; kag 12 tanan ka sachets sang ginapatihan shabu nga ginabulubanta yara sa kabug-aton nga 13 gramos.
Samtang, magapangatubang naman sa kaso nga paglapas sa Republic Act 9165 ukon Comprehensive Dangerous Drugs Act of 2002 kag Republic Act 10591 ukon Comprehensive Firearms and Ammunition Regulation Act ang amo nga arestado.
Sa karun, yara na sa karsel sang Maayon Municipal Police Station ang arestado para sa nagakaigo nga disposisyon.
