41 anyos nga lalaki pilason matapos bumunggo ang ginamaneho nga motorsiklo sa salakyan sa Barangay Bolo

ROXAS CITY – Pilason ang 41 anyos nga lalaki matapos bumunggo ang ginamaneho sini nga motorsiklo sa isa ka salakyan sa Barangay Bolo, Roxas City.

Ginkilala ang napilasan kay Mat Lenard Fuentes, residente sang Barangay Cagay, sining siyudad.

Mahibaluan nga nakibot na lamang si Mark Anthony Rogales, 34 anyos sang Barangay Poblacion, Carles, Iloilo nga samtang ginasubay sini ang nasambit nga lugar, hinali na lamang nga nagbunggo sa nalikod nga porsyon sang iya ginamaneho nga salakyan ang motorsiklo nga ginamaneho ni Fuentes.

Bangud diri, nag-angkon sang kasamaran sa lawas si Fuentes nga gilayon gindapatan sang pagbulong sang Capiz Emergency Response Team (CERT) antes gindala sa ospital.