41 anyos nga lalaki pilason matapos ginluthang sang wala pa makilala nga suspek sa sulod mismo sang iya balay sa Jamindan

ROXAS CITY – Pilason ang 41 anyos nga lalaki matapos nga ginluthang sang wala pa matumod nga lalaki sa sulod mismo sang iya nga balay sa Barangay Jaena Norte, Jamindan, Capiz.

Ginkilala ang biktima nga si Virlito Villasis Jr., residente man sang nasambit nga lugar lugar.

Sa inisyal nga impormasyon gikan sa Jamindan Municipal Police Station, ginapahayag nga ginkakibot na lamang sang biktima ang pagsulod sang suspek nga lalaki sa iya nga balay kag ini ang ginluthang.

Nag-angkon sang duha ka mga pilas sa lawas ang biktima bangud sa pagpangluthang nga gilayon man gindala sa ospital para sa nagakaigo nga pagbulong.

Nagapabilin naman nga at-large ang nasambit nga suspek.