42-anyos nga lalaki arestado matapos ginserbihan sang duha ka warrants of arrest

ROXAS CITY – Arestado ang isa ka 42-anyos nga lalaki matapos nga ginserbihan sang mga kapulisan sang duha ka warrants of arrest sa Barangay Rosario, Pilar, Capiz.

Ginkilala ang arestado kay Rodel Villar, 42-anyos sang nasambit nga lugar.

Kaso nga attempted homicide kag grave coercion ang ginapangatubang sang nasambit nga suspek sa diin ang nasambit nga mga warrants of arrest ang gin-isyu kag ginpirmahan ni Hon. Hannibal R. Partricio sang Baranch 1^st MCTC Pilar 6^th Judicial Region, President Roxas Capiz nga napetsahan sadtong Nobyembre 28, 2019.

Ginrekomendar naman sang korte ang P36,000 nga piyansa sa kada kaso para sa temporaryo nga kahilwayan sang amo nga akusado.

Sa karon, nakahunong na sa karsel sang Pilar PNP ang suspek.