42 anyos nga lalaki, dakop sa drug buybust operation

ROXAS CITY – Arestado ang 42 anyos nga drug suspek sa ginkasa nga drug buybust operation sang mga katapo sang Provincial Drug Enforcement Unit sang Capiz Police Provincial Office kag Station Drug Enforcement Team sang Roxas City Police Station.

Ginkilala ang nadakpan nga si Julyter Candelario, residente sang Crossing Seminary, Barangay Lawaan, Roxas City.

Narekober sa posesyon sang suspek ang 7 ka sachets sang shabu, P500 nga buybust money kag isa ka unit sang cellphone.

Sa karon nakaaresto na ang suspek kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.