ROXAS CITY – Pilason nga gindala sa ospital ang 42-anyos nga lalaki matapos nga ginaalegar ginbuno sa Barangay Malapad Cogon, Sigma, Capiz.
Ginkilala ang biktima nga si Romer Cayetano sang nasambit nga lugar.
Sandig sa imbestigasyon sang Sigma Municipal Police Station nga ginpadulongan sang suspek nga si Jeros Dice 42-anyos sang amo nga lugar ang biktima kag ginaalegar nga ginbuno ini sang binangon sa sulod sang ila balay.
Bangud diri, nag-angkon sang pilas sa nawala nga tyan ang biktima kag gilayon nga gindala sa isa ka pribado nga ospital sa syudad sang roxas.
Samtang, natigayon naman nga nadakpan sang mga kapulisan ang suspek kag nakahunong na karon sa karsel sang Sigma Municipal Police Station.
Nahibaluan nga may yara sang nagluntad nga indi pag-intindihanay sa tunga sang suspek kag biktima antes natabo ang insidente.
