42-anyos nga persona arestado matapos ginserbihan sang Warrant of Arrest

ROXAS CITY – Arestado ang isa ka 42-anyos nga persona matapos nga ginserbihan sang warrant of arrest sang mga kapulisan sa Barangay Poblacion, Bingawan, Iloilo.

Ginkilala ang arestado nga si Bernadine Billones alyas Bernadine sang Barangay Janguslob, Dumarao, Capiz.

Ang amo nga suspek nagapangatubang sang panumbungon nga attempted murder.

Ginrekomendar naman sang korte ang P120,000 nga piyansa para sa temporaryo nga kahilwayan sang akusado.

Sa karon, nakahunong na sa karsel sang Dumarao PNP ang nasambit nga suspek.