-- ADVERTISEMENT --
ROXAS CITY – Pilason ang isa ka 42 anyos nga mister matapos naaksidente sa dalanon sang Barangay Gabuan, Roxas City.
Ginkilala ang biktima kay Ricky Derofini sang Barangay Dumolog sining syudad.
Base sa report nga samtang nagamaneho ang biktima gikan sa dalanon sang Barangay Mongpong kag ginasubay naman ang dalanon sang Barangay Gabuan sang natapilukan ini samtang nagamaneho rason nga nadulaan ini sang kontrol kag nagbunggo sa kahoy sang mahogany.
Bangud sa mabaskog nga pagkabunggo, nag-angkon sang pilas sa nawala nga tiil kag pila ka mga kasamaran sa magkatuhay nga parte sang lawas sa diin madasig naman nga ginrespondehan sang CERT, RCERT kag BFP kag gindala sa ospital agud dapatan sang nagakaigo nga pagbulong.
