-- ADVERTISEMENT --
Patay ang 42 ka mga indibidwal matapos mahulog sa bangin ang bus nga ila ginasakyan sa South Africa.
Lunsay mga Zimbabwean kag Malawian nationals ang napatay sa insidente nga natabo sa mabukid nga bahin sang Limpopo province sang South Africa.
Sa inisyal nga imbestigasyon sang mga otoridad, nagaguwa nga nadulaan sang kontrol ang drayber tubtob sa mahulog na sa madalom nga bahin sang bukid ang nasambit nga bus nga nagikan sa Gqeberha City sa Eastern Cape.
Nagpalab-ot naman sang pagpakig-unong si South African President Cyril Ramaphosa sa mga napatay ilabi na nga may nakalakip nga mga bata sa nagkalamatay. Padayon ang ginapatigayon nga imbestigasyon sang mga otoridad sa matuod nga natabo.
