43-anyos nga lalaki kritikal matapos nga ginlabo sang kaugalingon nga hinablos

CUARTERO, CAPIZ – Kritikal ang 43-anyos nga lalaki matapos nga ginlabo sang iya hinablos sa Barangay Lunayan, Cuartero, Capiz.

Ginkilala ang biktima nga si Renante Falcis sang nasambit nga lugar.

Base sa inisyal nga imbestigasyon sang Cuartero PNP nga nagaistorya ang biktima sa iya pakaisa sa kilid sang karsada hinali na lamang nga nagpanaug sa motorsiklo ang suspek nga si John Paul Falcis 26-anyos sang amo man nga lugar kag madasig nga ginlabo ang iya tiyo nga gamit ang binangon.

Bangud diri, nag-angkon sang pilas sa abaga ang biktima nga gilayon naman gindala sa ospital.

Madasig naman nga nagpalagyo ang suspek matapos ang insidente.

Ginapatihan nga daan nga hiligut-anon ang motibo sa krimen.