43-anyos nga lalaki nadakpan nga nagapataya sang iligal nga stl bookies sa banwa sang Panay

ROXAS CITY – Arestado ang 43-anyos nga lalaki matapos nga nadakpan nga nagapataya sang iligal nga STL Bookies, sa Barangay Agbalo, Panay, Capiz.

Ginkilala ang naaresto kay Arman Bermejo, residente sang nasambit nga lugar.

Sa nakuha nga impormasyon sang Bombo Radyo sa Panay Municipal Police Station, nadakpan sa akto si Bermejo nga nagabaton sang bayad para sa iligal nga pagsugal.

Narekober sa posesyon sini ang masobra P700 nga kuwarta sa nagkalain-lain nga denominasyon, ballpen kag STL paraphernalia.

Bangud sini, pagapasakaan sang kaso nga paglapas sa Presidential Decree 1602 nga gin-amyendahan sang RA 9287 ukon “Anti-Illegal Gambling Law” si Bermejo.

Sa karon nagapabilin ini sa karsel sang Panay MPS para sa nagakaigo nga disposisyon.