-- ADVERTISEMENT --
ROXAS CITY – Pilason ang isa ka indibidwal sa nagluntad nga kinagamo sa Sitio Pook, Barangay Culasi, Roxas City.
Ginkilala ang biktima nga si Roger Alayon, 43 anyos sang nasambit man nga barangay.
Base sa nakuha nga impormasyon sang Bombo Radyo, samtang naga-roving ang chief tanod nga si Melquiades Ariz, nasiplatan nga may nagaluntad nga komosyon sa tunga sang biktima kag suspek nga si Karlo Bullos, 30 anyos nga lunsay yara sa idalom sang impluwensiya sang makahulubog nga ilimnon.
Natigayon nga mapunggan ang duha apang gindala sa ospital ang biktima agud madapatan sang nagakaigo nga pagbulong.
Gilayon man nga gin-aresto ang suspek sa karsel sang Roxas City Police Station.
-- ADVERTISEMENT --
