CAPIZ – Pormal nga ginbaton sang 43 ka mga personnel sang Capiz Police Provincial Office ang ila bag-o nga ranko sa ginpatigayon nga regionwide simultaneous oath-taking, donning and pinning ceremony para sa second-level uniformed personnel sa Camp Teodorico C. Apil sa Barangay Lanot, Roxas City.
Ginpangunahan ni Police Col. David L. Cachumbo Jr., officer in charge sang CPPO, ang Command Group kag Provincial Staff kadungan sang seremonya.
Ang rank-by-rank breakdown sang mga kapulisan ang ginalakipan sang walo ka mga police majors, apat ka mga police lieutenants, duha ka mga executive master sergeants, pito ka mga chief master sergeants, walo ka mga master sergeants, walo ka mga staff sergeants kag pito ka mga corporals.
Nangin mabinungahon kag makahulogan ang seremonya bangud yara ang presensya sang mga pamilya sang police officers nga amo ang nagtakod sang rank insignia sa mga honorees bilang simbolo sang ila suporta.
Gin-congratulate man ni Cachumbo ang mga police personnel nga gin-promote.
