ROXAS CITY – Pilason ang isa ka 44 anyos nga lalaki matapos nga ginaalegar ginbuno sang iya kaupod sa ilimnan sa Barangay Agcabugao, Cuartero, Capiz.
Ginkilala ang biktima nga si Erwin David sang nasambit nga lugar.
Sandig sa inisyal nga imbestigasyon sang Cuartero PNP nga samtang nagainum-inom ang biktima kaupod sa balay sang suspek nga si Vic Pedrosa 36-anyos sang amo man nga lugar sang hinali na lamang nga nag-angkon sang indi pag-intiendihanay.
Ginaalegar nga nagsulod sa kusina ang suspek kag nagkuha sang kutsilyo sa diin hinali na lamang nga ginbuno sa dughan ang biktima.
Gindala naman sa Dao District Hospital ang biktima apang gintransfer man gilayon sa isa ka pribado nga ospital sa syudad sang Roxas para sa nagakaigo nga pagbulong.
Madasig naman nga nagpalagyo ang suspek matapos ang nasambit nga krimen.
Samtang, padayon naman ang imbestigasyon sang mga kapulisan sa nagluntad nga insidente.
