Suno sa Civil Protection Unit, ang sakayan pandagat may sakay nga 114 ka mga adult nga pasahero kag lima ka mga tripulante, magluwas sa wala pa mahibaluan nga kadamuon sang mga kabataan.
May kapasidad ini nga 90 ka tawo lang.
Una nga ginreport nga 77 ka tawo ang naluwas kag 15 ka bangkay ang narekober, antes ginpataas sang Zimbabwe Republic Police ang kadamuon sang napatay sa 44 samtang nagapadayon ang pagpangita kag pagluwas.
Suno sa mga otoridad, nagbiyahe ang ferry sa pihak sang malain nga panahon kag mabaskog ang balod.
Ginapatihan nga isa ka daku nga balod ang nag-igo sa sakayan pandagat rason nga nag-untat ang makina kag sang ulihi nagkulob ang Ferry.
Padayon ang pagpangita sa mga nadula nga pasahero, sa bulig sang mga diver, dalagku nga mga sakayan, militar, mga helikopter, kag specialized aquatic rescue unit.
Ang insidente ginakabig nga isa sa pinakamalala nga passenger boat disasters nga na-record sa Lake Kariba.
