PONTEVEDRA, CAPIZ – Nagalab-ot sa 44 ka mga loose firearms kalakip ang isa ka rifle grenade kag apat ka mga live 12 gauge ammunition ang madinalag-on nga ginturn-over sang kapin 26 ka mga kabaranggayan sa banwa sang Pontevedra.
Ang nasambit nga kahiwatan ang gin-inisyar sang Pontevedra Municipal Police Station sa idalom sang pagpamuno ni Police Maj. Christopher Candelario kadungan sang nagapadayon nga Tokhang Kontra Ginadumilian nga Pusil kag End-Local Communist Armed Conflict (ELCAC) sang pulisya.
Ang nasambit nga mga armas ang nahimo nga masungka sa mga kapulisan bangud sang kooperasyon sang mga barangay officials kag pumuluyo.
Ang nasambit nga kahiwatan ang gintambungan man ni Capiz Board Member Esteban Jose Contreras, mga barangay officials kag mga katapo sang media.
Ang nasambit nga mga armas ang yara na sa karon sa Firearm Explosive Security Agencies and Guard Section sang Pontevedra PNP para sa nagakaigo nga disposisyon.
