ROXAS CITY – Natigayon nga makuhaan sang armas luthang ang 45-anyos nga lalaki, matapos nga gin-implementaran sang search warrant sang Panitan Municipal Police Station sa Barangay Cabangahan, Panitan, Capiz kahapon Hunyo 28, alas 5:20 sang aga.
Ginkilala ang nadakpan kay Roger Diaz Amoroso alias “Nono”, residente sang amu nga barangay.
Nakuha sa paghinakop ni Amoroso ang 2 unit sang long barrel airgun, 1 unit sang NORINCO caliber 9mm, 1 unit sang LLAMA caliber 380 pistol, 1 unit sang 12 gauge shotgun 1 ka magazine sang caliber 45 pistol 1 ka magazine sang caliber 380 pistol, 1 ka magazine sang caliber 9mm pistol nga may 4 ka live ammunitions, 1 ka magazine sang caliber 9mm pistol, 8 ka caliber 380 live ammunitions, 4 ka 12 gauge shotgun live ammunitions 10 ka empty shells sang caliber 45, 2 ka fired empty shells sang caliber 9mm pistol, 2 ka .22 live ammunitions,
1 ka fired empty shell sang caliber 380, 1 ka sling bag nagaduag brown kag 1 kag 12 gauge shotgun bag nagaduag itom.
Ang search warrant ang gin-isyu kag ginpirmahan ni Hon. Ezperanza Isabel E. Poco-Deslate, Executive Judge, RTC Branch 19, Roxas City, Capiz napetsahan Hunyo 26, 2023.
Kaso nga paglapas sa RA 10591 ukon An Act Providing For A Comprehensive Law On Firearms And Ammunition And Providing Penalties For Violations Thereof.
Sa karun yara na sa kustodiya sang Panitan Municipal Police Station si Amoroso para sa nagaka-igo nga disposisyon.
