45-anyos nga lalaki ginserbihan sang WOA sang mga kapulisan

ROXAS CITY – Dakup ang isa ka lalaki matapos nga ginserbihan sang warrant of arrest sa Hall Of Justice diri sa syudad sang Roxas.
Pinaagi sa gintingub nga puwersa sang Roxas City Police Station kag 602nd Maritime Police Station, nadakpan ang suspek nga si Alberto Rufo, 45 anyos sang Barangay Naga, New Washington, Aklan.

Ang nasambit nga arestado nagapangatubang sang panumbungon nga paglapas sa RA 7166 in relation sa COMELEC Resolution sa diin ginrekomerndar sang korte ang piyansa nga P3,000 kag P60,000 bangud sa paglapas sa Violation of PD 1866 (Illegal Possession of Firearms and Ammunition).

Sa karon, nagapabilin na sa kustodiya sang Roxas City Police Station ang nasambit nga arestado.