ROXAS CITY – Nakahunong na sa karsel sang Roxas City Police Station ang isa ka 45-anyos nga mangingisda matapos nga ginaalegar ginhaboy sang flower vase ang 73-anyos nga iloy sa Barangay Mongpong Dulunan, Roxas City.
Ginkilala ang suspek nga si Mykel Salvador, isa ka mangingisda kag residente sang nasambit nga barangay.
Sandig sa inisyal nga imbestigasyon sang Roxas City Police Station nga samtang nagamaoy ang suspek gintuyo lamang ini nga badlungon sang iya iloy nga si Agapita Salvador sang amo man nga lugar.
Apang, wala man nagpati ang suspek rason nga ginbadlong man ini sang iya nga tiyo.
Magluwas diri, nga tuyo pa kuntani nga habuyon sang baso sang suspek ang nasambit nga tigulang apang napunggan sini rason nga ang flower vase na lamang ang ginhaboy niya sa iya iloy.
Bangud diri, ginpakamaayo na lamang sang pamilya Salvador nga ipaaresto sa mga pulis ang suspek.
Sa karon, nakahunong na sa karsel sang Roxas City PNP ang suspek para sa nagakaigo nga disposisyon.
