Na-detect ang yara sa 45 nga mga Chinese aircraft malapit sa Taiwan.
Sa isa ka statement, ginsiling sang Taiwan Defense ministry nga magluwas sa mga Chinese aircraft, nasiplatan ang 14 ka mga barkomalapit sa isla.
Mahibaluan, ini na ang pinakamataas nga numero sang mga air kag sea assets sang China nga nadetect sang Taiwan subong nga tuig.
Ang nakit-an naman nga bulto nga mga Chinese aircraft malapit sa self-ruled island isa ka adlaw matapos ginkondena sang Taiwan ang anunsiyo sang China nga pagpatigayon sang live-fire drills 40 nautical miles malapit sa nabagatnan nga bahin sang isla.
Apang suno sa Taiwan officilas, wala sila sang na-detect nga anuman nga live-fire exercises sa gintalana nga drill zone sang China malapit sa isla kag wala man sang escalation sang military tensions.
Pahayag sang 2 ka senior Taiwanese officials, ang tikang sang China kaangay sang iban pa nga military activity sang China sang damlag lang sa rehiyon kaangay sa disputed waters kag sa baybayon sang Australia kung sa diin wala nagahatag sang anu man nga abiso ang Chinese Navy sa ila ginapatigayon nga pagtraining.
