45 ka mga Indian pilgrims, patay matapos masunog ang ginasakyan nga bus sa Saudi Arabia

Patay ang 45 ka mga Indian pilgrims matapos masunog ang ginasakyan nila nga bus malapit sa Medina, Saudi Arabia.

May yara sang 46 ka mga pasahero sa bus, kag ang isa nga nakaluwas ang sa subong ginabulong sa intensive care unit.

Sandig sa report, kadam-an sa mga biktima ang nagikan sa Hyderabad, Telangana, kag pauli kuntani halin sa Mecca padulong sa Medina para sa Umrah pilgrimage.

Nagpalab-ot sang pagpakig-unong ang Indian Prime Minister Narendra Modi sa mga pamilya sang napatay.

Padayon nga gina-imbestigaran sang mga otoridad ang rason sang insidente.