ROXAS CITY-Dead on Arrival ang isa ka mister matapos ginaalegar nga naghikog-patay sa isa ka barangay sa banwa sang President Roxas, Capiz.
Sandig sa imbestigasyon sang President Roxas MPS, nakita na lamang sang iya asawa ang biktima nga nagabitay sa ila sini kaugalingon nga sala.
Ginapahayag nga kahapon pa lamang nagapabilin-bilin na ang biktima sa tiayon sini.
Dugang pa diri nga kaupod lamang sang biktima ang iya siyam ka tuig nga bata kagab-i bangud nagatrabaho ang misis sini sa ila kaugalingon nga barber shop sa nasambit man nga banwa.
Mahibaluan nga may ginasuprer nga balatian ang nasambit nga mister rason nga ini ang ginalantaw sang pamilya nga motibo sang biktima sa pag-utas sa kabuhi sini.
Natigayon pa nga madala ang biktima sa Bailan District Hospital apang gin-deklarar man ini nga Dead On Arrival sang Atending Physician.
Sa karon yara na isa ka punerarya ang bangkay sang nasambit nga biktima.
Naghinyo naman ang pamilya nga indi na paghingadlan ang ila barangay.
