ROXAS CITY – Nagpabalhag sa Roxas City Police Station ang isa ka 46 anyos nga lalaki matapos ginaalegar ginkastigo kag gintayaan pa sang armas-luthang sang iya amay sa Barangay Tanza, Roxas City.
Ginkilala ang biktima nga si Jovito Catalan, residente man sang nasambit nga lugar.
Suno diri nga nagguwa siya sa iya nga hulot sang iya nabatian nga nagakinalingaw ang iya amay nga si Lucino Catalan rason nga iya ini ginpalapitan kag gin-usisa.
Apang sa baylo magsabat, ginsumbag siya sang iya nga amay.
Natiklod pa ni Jovito ang iya nga amay apang ginsundan gihapon siya sini kag ginaalegar nga gintayaan pa sang armas-luthang.
Ginaalegar nga pagaluthangon kuntani sang amay ang iya anak apang napunggan ini sang pakaisa ni Jovito.
Bangud diri, ginpakamaayo ni Jovito nga iparekord sa pulisya ang natabo.
