Patay na sang nasapwan ang 46 anyos nga lalaki sa sulod sang isa ka balay sa Pulong Tagalog, Purok 7, Brgy. San Francisco, Cauayan City, Isabela.
Ang biktima amo si alyas “Lando”, 46 anyos, kasado, kag residente sang nasambit nga lugar.
Suno sa nagresponde nga kapulisan, nasapwan ang biktima nga nagahamyangon sa sulod sang balay kag may nakaputos sang duha ka polyester cotton belt sa iya liog. May report man nga nakit-an ini nga nagabitay sa steel wire antes ginpanaog.
Suno sa isa ka himata, nabatian niya ang mga singgitan kag gilayon nga nagpadulong sa lugar kun sa diin nakit-an ang biktima.
Suno sa live-in partner sang biktima, naga-isahanon ini nga nagakatulog sa daan nga balay antes natukiban ang insidente. Ginpahayag man sini nga pila ka adlaw na nga naga-inom sang makahulubog nga ilimnon ang biktima, apang pila ka beses nga nagpamalibad ini nga magpaathag.
Padayon ang imbestigasyon sang mga kapulisan sa insidente samtang ginahulat ang resulta sang maid-id nga eksaminasyon sang Scene of the Crime Operatives (SOCO).
