ROXAS CITY- Dakop ang isa ka babaye matapos ginserbihan sang warrant of arrest sa kaso nga estafa kag falsification of documents sa banwa sang Ivisan, matapos ginserbihan sang warrant of arrest sa Barangay Tiza, Roxas City.
Ang wala na ginhingadlan nga akusado ang residente sa nasambit nga banwa.
Ang amo nga warrant of arrest nga pirmahan kag ginpapanaog ni Presiding Judge Jennie Ann T. Logronio, sang Municipal Circuit Trial Court, 6th Judicial Region, Branch 1, Roxas City, nga napetsahan sadtong Enero 23, 2024.
Samtang,yara naman P18,000 ang ginrekomendar sang korte nga piyansa para sa kaso nga estafa kag P36,000 para sa kaso nga falsification of documents para sa iya temporaryo sini nga kahilwayan.
Sa karon, yara pa sa kustudiya sang Ivisan Municipal Police Station ang nasambit nga akusado para sa nagakaigo nga disposisyon.
