ROXAS CITY – Nag-angkon sang magkatuhay nga mga kapilasan sa lawas ang isa ka 47-anyos nga lalaki matapos ginpulihan kastigo sa Barangay Cabugao, Roxas City.
Mahibaluan nga nagpabalhag sa pulisya si Leonora Argoncillo sang amo man nga lugar natuhoy sa natabo.
Ginaalegar nga samtang yara sa idalom sang impluwensya sang makahulubog nga ilimnon si Vicente Catimbang, naglabay ini sa guwa sang balay nanday Amado Nicolas kag didto gintinaghol ini sang ido rason nga nagpulot ini sang bato kag ginhaboy ang ido.
Apang sa baylo nga maigo ang nasambit nga sapat, naigo ang gate sang pamilya Nicolos kun sa diin ginkakibot nila ini.
Bangud diri, gilayon nga ginpalapitan ni Vicente kag mga himata sini si Catimbang kag ginaalegar ginkastigo tubtob nga nadulaan ini sang pangalibutan.
Samtang, nag-angkon naman sang mga kapilasan sa lawas si Catimbang kag gilayon nga gindala sa ospital agud dapatan sang nagakaigo nga pagbulong.
