Ginkumpiskar sang mga katapo sang Bureau of Customs (BOC) ang ginabulubanta nga 47 million Japanese Yen ukon ₱17.2 million kag ginasiling nga undeclared sa Ninoy Aquino International Airport (NAIA).
Nakitaan ang nasambit nga balor sang kwarta sa x-ray inspection nga ginhiwat sa check-in baggage sang isa ka Koreano sa NAIA Terminal 3 sang damlag lang.
Ginkumpirmar man ni Customs Commissioner Bienvenido Rubio nga wala gindeklarar sang pasahero ang amo nga kwarta kag ginlapas sini ang regulasyon sang Bangko Sentral ng Pilipinas (BSP).
Kumpiskaron man ang amo nga kwarta sang National Anti-Money Laundering and Counterterrorism Proliferation Financing Strategy.
Samtang, ang nasambit nga Koreano, magapaidalom sa inquest proceedings sa Pasay City Prosecutor’s Office.
