ROXAS CITY – Naglab-ot sa 47 ka nga mga estudyante, ang ginpangkakas sa scholarship program sang provincial government matapos nga nagbaton ang mga ini sang tig-P2,000.00 nga educational assistance nagikan sa Pinuno Party-list
Sa interview sang Bombo Radyo kay HON. JOSE Fulgencio “Pepe” Del Rosario Board Member sang primero distrito sang probinsya, ginpahayag sini nga nagaba-se lamang sila sa listahan nga nagikan sa barangay subong man sa ila opisina.
Pagklaro ni Del Rosario nga iya ginreview ang ordinansa sang scholarship program sang probinsya, kag wala diri nakabutang nga bawal magbaton sang assistance ang mga estudyante nga eskolar, gani wala ini naga-conflict sa amo nga scholarship program.
Suno kay Del Rosario kung matandaan sadtong tinalikdan nga tuig, matapos nga makahatag ang ila opisina sang educational assistance naglab-ot sa 8,000 nga mga kabataan ang nagpalista sa ila opisina apang kapin 5,000 lamang sa mga ini ang natigayon nga makasulod.
Ginpahayag man sang Board Member nga wala nila ginatarget ang Provincial Capiz Scholar bangud sa pagkamatuod sa 5,000 nga mga estudyante 47 lamang diri ang miyembro sang Capiz Scholarship Program buot silingon, halos katunga sini ang miyembro sang Financial Assistance Program sang probinsya nga nagabaton sang tig-P1,500 kada semester kag ang nabilin amu ang mga merit nga nagabaton naman sang tig-P5,000 kada semester.
Nagalaum naman ini nga mangin maayo ang pag-istoryahanay sini nga isyu kaupod ang gobernador sang probinsya.
Mahibaluan sang damlag lang natapos na nga mahatagan sang tag-P2,000.00 bilang educational assistance ang kapin 5K nga mga estudyante sa bug-os nga probinsya, kung sa diin may yara sang kabug-usan nga P10-B nga pondo.
Ang nasambit nga programa kaupod ang Pinuno Partylist kung sa diin may tinutuyo nga mabuligan ang mga estudyante partikular sa ila pinansyal nga galastuhon.
