ROXAS CITY-Arestado ang 48-anyos nga babayi matapos nga ginserbehan sang warrant of arrest sang mga katapo sang Cuartero Municipal Police Station sa Barangay Rizal, Pontevedra Capiz.
Ginkilala ang akusado sa kay Maria Liza Mansuelo 48-anyos residente sang Sitio San Jose Barangay Rizal, Pontevedra Capiz.
Panombongon nga Concubinage ang ginapangatubang sang nasambit nga akusado kun sa diin ang warrant of arrest sini ang gin-issue kag ginpirmahan ni Hon. Presiding Judge Jerson Almalbis sang MCTC, Dumarao-Cuartero Capiz nga napetsahan Setyembre 12, 2020.
P5,000 ang ginrekomendar nga piyansa sang korte para sa temporaryo nga kahilwayan sang akusado.
Sa karon ginhilway na sa karsel sang Cuartero Municipal Police Station si Mansuelo matapos nga nakabayad sang nakaigo nga piyansa..
