-- ADVERTISEMENT --
ROXAS CITY – Yara na sa hilway nga kondisyon ang 48-anyos nga lalaki matapos nga ginaalegar nakuryente sa Taft Street, Barangay Poblacion, Dumalag, Capiz.
Ginkilala ang biktima nga si Rey Bacusa sang Barangay RD Ville, Sara, Iloilo.
Base sa imbestigasyon sang Dumalag Municipal Police Station, nakuryente ang nasambit nga biktima samtang nagatakod sang street lights matapos nga naigo ang ginauyatan sini nga tubo sa linya sang kuryente sang Capiz Electric Cooperative (Capelco).
Bangud diri, gilayon nga gindala sa Tapaz District Hospital ang biktima para sa nagakaigo nga pagbulong.
