48-anyos nga lalaki nagpabalhag sa pulisya matapos nga ginaalegar ginkastigo

ROXAS CITY – Nagpabalhag sa Pontevedra Municipal Police Station ang isa ka lalaki matapos nga ginaalegar ginkastigo sa Sitio Lais, Barangay Binuntucan, Pontevedra, Capiz.

Ginkilala ang tagreklamo nga si Alberto Tamon 48-anyos sang amo man nga lugar.

Sandig sa ginpabalhag sang tagreklamo nga gikan sa hardware ang biktima kun sa diin samtang nagalakat ini ginaalegar nga hinali na lamang nga ginsumbag kag ginkastigo ini sang suspek nga si Alyas “Nono” Trumandilla sang amo man nga lugar.

Menor nga pilas kag pagpalanakit sa kalawasan naman ang naangkon ni Tamon.

Bangud diri, ginpakamaayo na lamang sang tagreklamo nga iparekord sa pulisya ang insidente.