ROXAS CITY – Patay ang 48-anyos nga lalaki matapos nga nalumos takna alas-12:20 kaina sang udto, Hunyo 26 sa baybayon sang Barangay Binaobawan, Pilar, Capiz.
Ginkilala ang biktima nga si alyas Lyc, residente sang Brgy. Cayus, Pilar, Capiz.
Sa nakuha nga impormasyon sang Bombo Radyo sa Pilar Municipal Police Station, takna alas-12:30 kaina sang udto sang nakabaton ang mga ini sang tawag nagikan kay Barangay Captain Reymart Crispolon sang nasambit nga banwa nga may nakita sila nga isa ka persona nga wala na sang kabuhi sa baybayon sa ila barangay.
Gilayon naman nga ginrespondehan sang mga otoridad ang amo nga biktima kag gindala sa malapit nga ospital, apang gindeklarar naman sang nag-atipan nga doktor nga dead on arrival ang amo nga biktima.
Nahibaluan nga yara sa impluwensya sang makahulubog nga ilimnon ang nasambit nga biktima.
