-- ADVERTISEMENT --
ROXAS CITY – Arestado ang isa ka wanted nga persona matapos nga ginserbihan sang warrant of arrest sang mga katapo sang Maayon PNP sa Barangay Puntoc, Lemery, Iloilo.
Ginkilala ang naaresto nga si Arnulfo Depena 48-anyos sang Barangay Canapian, Maayon, Capiz.
Kaso nga homicide ang ginapangatubang sang amo nga akusado kun sa diin ang nasambit nga warrant of arrest gin-isyu kag ginpirmahan ni Hon. Esperanza Isabel E. Poco Deslate, Presiding Judge, Regional Trial Court 6, Branch 19, Roxas City sadtong Agosto 25,2020.
Ginrekomendar naman sang korte ang P120,000 nga piyansa para sa temporaryo nga kahilwayan sang nasambit nga akusado.
Sa karon, nakahunong na ini sa karsel sang Maayon Municipal Police Station para sa nagakaigo nga disposisyon.
-- ADVERTISEMENT --
