Kabug-osan nga 49 officials sang Bureau of Fire Protection ang ginpasakaan sang kaso sa Ombudsman bangud sa ginaalegar iregularidad sa procurement sang fire trucks.
Suno kay Interior and Local Government Secretary Jonvic Remulla, gina-imbestigahan na subong ang nasambit nga mga opisyal ilabi na ang Bids and Awards Committee.
Ang nasambit nga mga opisyal ang suspended sa subong.
Ginlaragway ni Remulla nga may yara sang ginasuspetsahan nga pagtaas sa balor sang fire trucks sa sulod na sang madugay nga tinuig sa diin ang presyo sang kada unit ang nagapakita sang P5 million sang 2015 kag nangin P10 million sang 2018 kag nangin P15 million sang 2021 para sa kapareho lang nga unit.
Pahayag niya, ang ginaalegar kurapsyon ang nangin systematic na sa sulod sang BFP.
Ginkumpara pa ini ni Remulla sa isa ka “organized crime syndicate.”
Dugang pa sang natungdan, ang ginabanta 650 ka mga fire inspectors sa Metro Manila nga ginaakusaran sang kurapsyon ang gin-reassign sa remote areas kaangay sang Basilan, Sulu, kag Tawi-Tawi.
Ang mga newly deployed inspectors naman ang ginmanduan nga magsuksok sang body camera kun magpatigayon sang inspeksyon.
