Ginkumpirmar ni House Secretary General Reginald Velasco nga ginalauman nila nga may maga-file sang ika-apat nga impeachment complaint batuk kay Vice President Sara Duterte.
Sa isa ka mensahe, ginpahayag ni Velasco nga may pila ka miyembro sang Kamara ang naghinyo sang extension bangud ila ginatun-an nga mag-file sang isa pa ka complaint.
Suno kay House Secretary General Velasco, yara sa 10 tubtob 12 ka miyembro sang House of Representatives nga gikan sa majority kag minority blocs ang nagpahayag nga plano nila nga mag-file sang ika-apat nga impeachment complaint.
Nagpamalibad naman si Velasco nga pangalanan ang mga nasambit nga Kongresista.
Ginpahayag ni Velasco kun maga-file sang ika-apat nga impeachment complaint sa Lunes, January 7, 2025 iya na ini nga i-refer kay Speaker Martin Romualdez ukon iya nga i-delay.
Dugang pa ni Velasco nga ang ika-apat nga complaint ang iya nga i-refer sa Legal Department sang Kamara agud ila nga pagatun-an.
Sa karon may tatlo ka impeachment complaint ang na-file sa Kamara batuk kay VP Sara.
