Naglab-ot na sa 5.15 milyon nga populasyon sa Pilipinas ang naapektuhan sang mga nagligad nga bagyo nga Maymay kag Luis, pati na sang habagat, suno sa pinakabag-o nga report sang Office of Civil Defense ukon OCD subong nga Martes, Agosto 18.
Kabaylo ini sang halos 1.47 milyon ka pamilya nga naapektuhan sa nagkalain-lain nga rehiyon sang pungsod, lakip na ang Ilocos Region, Cagayan Valley, Central Luzon, Bicol Region, Western Visayas, Zamboanga Peninsula, Calabarzon, Mimaropa, Cordillera Region kag National Capital Region.
Suno kay OCD Information Officer Diego Mariano, masobra 6,300 ka pamilya ang yara gihapon sa mga evacuation center bangud sang kalamidad.
Samtang, padayon pa nga gina-verify sang mga otoridad ang report nahanungod sa 26 ka indibidwal nga ginreport nga napatay sa mga kalamidad.
Pinakadamo sini ang narecord sa Benguet nga naglab-ot sa 15, samtang tig-tatlo ang napatay sa Rizal kag Batangas. Duha naman ang napatay sa Caloocan, kag tig-isa sa La Union, Quezon kag Negros Occidental.
Sa subong, may isa pa ka indibidwal nga ginreport nga missing kag padayon nga ginapangita sang mga otoridad.
Samtang, ginabulubanta nga 1,786 ka balay ang naguba bangud sa mga
