Ginkilala ang 5-anyos nga bata sa pungsod China bilang pinakabata nga race car driver sa kasaysayan sang car racing sa kalibutan.
Nakuha ni Shao Ziyan ang iya official license kag training certificate gikan sa RUNRACING Driving Academy, nga ginkilala man sang China Automobile and Motorcycle Federation.
Sa edad nga isa ka tuig, nagkabalo na ini magamit sang racing simulators kag bag-o maglab-ot sa edad nga tatlo ka tuig, naga-drive na ini sang race cart.
Sang nagtungtong siya sang apat ka tuig, nagsugod na ini nga mag-intra sa mga professional nga rally events kun sa diin nadag-an sini ang Hope Star Award sang tuig 2023 China Rally Sprint Championship.
Nangin matunog man ang pangalan ni Ziyan sa mga bantog nga racing simulators kaangay sang DiRT Rally 2.0 kag WRC 10 kun sa diin nakasulod ini sa top 30.
Agud suportahan ang pinasahi nga abilidad sang bata, nag-invest ang iya amay sang ginabanta 800 million yuan ukon P6.4 million pesos agud magbakal sang bag-o nga racecars kag advanced driving simulators para makabulig sa iya nga paghanas.
