Mangin crucial ang adlaw sa mga atleta nga Pinoy nga magahampang sa Paris Olympics.
Lima ka atleta ang magahampang subong nga adlaw.
Ginakabug-usan ini sang mga boksingero nga sanday Eumir Marcial kag Nesthy Petecio, rower nga si Joanie Delgaco, swimmer nga si Kayla Sanchez kag Juduka nga si Kiyomi Watanabe.
Maka-atubang ni Marcial si Turabek Khabibullaev sang Ukraine para sa 80 kgs. division takna alas 3:04 sang aga sang Miyerkules samtang si Petecio makahampang si Jaismine sang India takna alas 11:38 sang gab-i sang Martes oras sa Pilipinas para sa women’s 75 kgs.
Magasambuwa naman para sa quarterfinals sang rowing si Delgaco sang women’s single sculls takna alas 3:30 sang hapon.
Samtang, pagatestingan naman ni Watanabe si Tang Jing sang China sa womens 63kgs. round of 32 takna alas-4 sang hapon oras sa Pilipinas.
Una naman nga pagsabak sa swimming ni Sanchez sa women’s 100 meters freestyle sang 6:47 sang gab-i oras sa Piliipnas.
Ang 16 nga may pinakamadasig sa 29 swimmers ang maga-abanse sa semifinals.
Nakatutok naman sa karon ang atensiyon sang mga boxing fans bangud sadtong wala pa ginkakas ang 75 kgs. category nakakuha sang bronze medal si Marcial sadtong Tokyo Olympics.
Samtang si Petecio ang nakakuha sang silver medal sadtong Tokyo Olympics.
Matandaan nga nakausad na sa masunod nga round si Aira Villegas sang piyerdihon si Yasmine Mouttaki sang Morocco.
