ROXAS CITY – Ginmanduan nga magpaidalum sa self quarantine ang mga punong barangay sa siyudad nga nagpadulong sa Baguio City sang damlag lang agud magtambong sa isa ka seminar.
Naggikan mismo ang mando kay Roxas City Local Government Operations Officer Ginno Salamanca kag City Health Officer Dr. Lory Cahilog.
Ang ginatumod nga mga punong barangay amo sanday Holce Bialen sang Barangay 8, Joseph Tinoy sang Barangay 6, Ligaya Condes sang Barangay Jumaguicjic, Herminia Dillo sang Barangay Tanque, kag Rey Afloro sang Barangay Balijuagan.
Nauna na nga ginrekomendar sang DILG sa mga opisyales nga ipaiway ang ila paglakat sa Baguio City bangud sa pamahog sang COVID-19 apang kun indi mapaiway, kinahanglan nila nga magpaidalum sa self-quarantine sa ila pagbalik sa siyudad.
