5 ka indibidwal, patay samtang 23 pilason sa panibag-o nga missile strike sang Russian sa Ukraine

Indi magnubo sa lima ka tawo ang napatay kag 23 ka iban pa ang napilasan sa sunod-sunod nga missile strikes sang Russia sa Kyiv, Ukraine.

Ang mga missile nag-igo sa pila ka mga apartment building, bodega kag industrial area, suno sa Ukrainian authorities.

Padayon ang search and rescue operations para sa mga posible ma-trap sa idalom sang rubble.

Bangod sang pag-atake, linibo ka mga panimalay ang nadulaan sang kuryente sa rehiyon sang Kyiv.

Nagapadayon naman pagbayluhanay sang mga pag-atake sang missile kag drone sang Russia kag Ukraine nga nagsugod pa sang Pebrero 2022.