5 ka mangingisda dakup sa akto nga nagapatigayon sang iligal nga pangisda

PANAY, CAPIZ -Dakup sa akto ang lima ka mga mangingisda nga nagapatigayon sang iligal nga pangisda sa kalalawran nga sakup sang banwa sang Panay.

Kalakip sa mga nadakpan amo sanday Greg Tenorio, boat captain sang FB JN;Remy Pelisco, Romar Zamora, Jay Adrias kag Eduardo de la Cruz Jr., lunsay mga residente sang Barangay Libas, sining syudad.

Ginlapas sang nahinambitan nga mga mangingisda ang municipal ordinance 03-02 series of 2003.

Nakumpiskar sa mga tripulante sang FB JN ang sakayan pangisda, makina, lambat kag kapin sa 20 ka kilo sang nagkalain lain nga isda.