5 ka mangingisda nadakpan nga nagapatigayon sang iligal nga pagpangisda

ROXAS CITY – Arestado ang lima ka mga mangingisda matapos nga nadakpan sa akto nga nagapatigayon sang iligal nga pagpangisda sa kalalawran nga sakup sang banwa sang Panay.

Ginkilala ang mga arestado nga sanday Toto Khent, Danny Boy Singular, Ronnie Dioduco, Susano Batay kag Osias Deocampo residente sang Barangay Barra, Roxas City.

Narekober sa mga arestado ang fishing boat, makina, lambat kag kapin 5 ka kilo nga hulik nga isda.

Magapangatubang sa paglapas sa Municipal Ordinance No. 03-02 series 2003 ang lima ka mga persona.

Nahibaluan nga nagapatigayon sang iligal nga trawl ang nasambit nga mga mangingisda.

Sa karon yara na sa kustodiya sang MENRO ang mga narekober sa mga mangingisda.