ROXAS CITY – Paga-ekspektaron sang mga pumuluyo sang probinsya nga mangin maayo kag mabuhinan na ang mga reklamo sa serbisyo sang Bailan, Dao, Mambusao, Tapaz District Hospitals kag sang Roxas Memorial Provincial Hospital (RMPH) sa ila mga pasyente.
Sa interview sang Bombo Radyo kay board member Jonathan ‘Sonny’ Besa, chairman sang Committee on Appropriations, ginpahayag sini nga pagadugangan sang P160-M nga pondo ang nasambit nga mga ospital para sa upgrading of services, nga wala suno diri naeksperyensiyahan sang Capiz, sa nagligad nga tatlo ka tuig.
Bangud sini, may iban nga proyekto ang iga-sakripisyo para sa amu nga increase sang pondo sa ospital kag iga-cut ang allocation nga ginahinyo sang nagkalain-lain nga departamento nga sakto lang sa 20% nga ila kinahanglanon.
Nakadepende man suno diri sa local chief executive kun ano ang iya prayoridad, apang bangud nagpromisa sa kampanya si Governor Fredenil Castro nga iga-prayoridad sini ang ikaayong lawas sang Capiznon, rason nga iya ini sa karon ginatuman.
Kampante man si Besa nga mapangitaan sang pagakuhaan nga pondo ang increase sa mga ospital.
